ભારત-પાકિસ્તાન ફાઈનલની સંભાવના
કોમનવેલ્થ ગેમ્સ 2026માં બોક્સિંગ રિંગમાં ફરી એકવાર ભારત અને પાકિસ્તાન આમને-સામને આવી શકે તેવી સ્થિતિ સર્જાઈ છે. મહિલાઓની 60 કિલોગ્રામ વજન શ્રેણીમાં બંને દેશોની બોક્સરોએ ક્વાર્ટર ફાઈનલ જીતતાં હવે સેમિફાઈનલમાં સ્થાન બનાવ્યું છે. જો બંને ખેલાડીઓ આગામી મુકાબલા જીતી જાય તો 1 ઓગસ્ટે ગોલ્ડ મેડલ માટે ભારત-પાકિસ્તાન વચ્ચે હાઈ વોલ્ટેજ ફાઈનલ જોવા મળી શકે છે.
બંને બોક્સરોએ ક્વાર્ટર ફાઈનલ જીતી
28 જુલાઈએ ભારતની પ્રિયા ઘંઘાસે સ્કોટલેન્ડની નિયામ મિશેલને 4-1થી હરાવી સેમિફાઈનલમાં પ્રવેશ કર્યો હતો. બીજી તરફ પાકિસ્તાનની ફાતિમા ઝહરાએ ન્યૂઝીલેન્ડની જોર્ડન વિલ્સનને 5-0થી હરાવી અંતિમ ચાર ખેલાડીઓમાં સ્થાન મેળવ્યું હતું.
31 જુલાઈએ નિર્ણાયક સેમિફાઈનલ
હવે 31 જુલાઈએ યોજાનારી સેમિફાઈનલમાં પ્રિયા ઘંઘાસનો મુકાબલો ઈંગ્લેન્ડની લ્યુસી કિંગ્સ સામે થશે. જ્યારે ફાતિમા ઝહરા કેનેડાની મેરી અલ અહમદી સામે રિંગમાં ઉતરશે. બંને પોતાના મુકાબલા જીતે તો ગોલ્ડ મેડલ માટે ભારત અને પાકિસ્તાન વચ્ચે સીધી ટક્કર નક્કી થશે.
1 ઓગસ્ટે બની શકે હાઈ વોલ્ટેજ મુકાબલો
જો બંને બોક્સરો સેમિફાઈનલમાં વિજય મેળવે તો 1 ઓગસ્ટે ગ્લાસગોમાં ગોલ્ડ મેડલ માટે ભારત-પાકિસ્તાનનો રોમાંચક મુકાબલો જોવા મળશે. જોકે હાલ આ માત્ર સંભાવના છે અને અંતિમ ફાઈનલ સેમિફાઈનલના પરિણામ બાદ જ નક્કી થશે.