વિદેશની ધરતી પર ભારતીય કંપનીનું સોનું
ભારતના માઇનિંગ સેક્ટર માટે વિદેશથી એક મોટા સમાચાર સામે આવ્યા છે. બેંગલુરુ સ્થિત Deccan Gold Mines Limitedએ કિર્ગિઝસ્તાનમાં પોતાના Altyn Tor Gold Projectને એક્સપ્લોરેશન અને ડેવલપમેન્ટમાંથી ઉત્પાદનના તબક્કા સુધી પહોંચાડ્યો છે. કંપનીના જણાવ્યા મુજબ આ કિર્ગિઝસ્તાનમાં ભારતીય કંપનીના ગોલ્ડ માઇનિંગ પ્રોજેક્ટ માટે મહત્વપૂર્ણ માઇલસ્ટોન છે.
રાષ્ટ્રપતિએ કર્યું પ્લાન્ટનું ઉદ્ઘાટન
કિર્ગિઝ રિપબ્લિકના રાષ્ટ્રપતિ સદિર એન. જપારોવે 12 સપ્ટેમ્બરે ઓનલાઈન સમારોહ દ્વારા Altyn Tor Gold Projectના ગોલ્ડ પ્રોસેસિંગ પ્લાન્ટનું ઉદ્ઘાટન કર્યું. આ પ્રોજેક્ટનું સંચાલન Deccan Goldની કિર્ગિઝસ્તાન સ્થિત સબ્સિડિયરી Avelum Partner LLC દ્વારા કરવામાં આવે છે.
ઓગસ્ટમાં પહેલીવાર Gold Doréનું ઉત્પાદન
કંપનીએ જણાવ્યું છે કે ઓગસ્ટ 2026માં પ્રથમ Gold Doréનું ઉત્પાદન કરવામાં આવ્યું હતું. હવે કંપનીનો ફોકસ પ્રોજેક્ટને પૂર્ણ ક્ષમતાના ઉત્પાદન તરફ લઈ જવાનો છે. તેમાં લીચિંગ સર્કિટ અને ટેલિંગ્સ સુવિધા શરૂ કરવી, માઇન પ્લાનિંગમાં ફેરફાર અને વધારાનું રિસોર્સ ડ્રિલિંગ જેવા કામો સામેલ છે.
300 કિમી લાંબા ગોલ્ડ ઝોનમાં પ્રોજેક્ટ
Altyn Tor પ્રોજેક્ટ કિર્ગિઝસ્તાનના Naryn Provinceમાં આવેલા Soltan Sary gold mineralization zoneનો ભાગ છે. Deccan Goldના જણાવ્યા પ્રમાણે આ મિનરલાઇઝેશન ઝોન 300 કિલોમીટરથી વધુ વિસ્તારમાં ફેલાયેલો છે અને મોટા Tien Shan Shear Zoneનો હિસ્સો છે. કંપનીના પ્રોજેક્ટ ડેટા મુજબ અહીં 0.5 g/t Au cut-off પર આશરે 4.65 મિલિયન ટનના Mineral Resources, 1.21 g/t ગ્રેડ અને 180,000 ounces goldનો અંદાજ છે.
સોનું જ નહીં, Critical Minerals પર પણ નજર
Deccan Gold માત્ર સોનાના પ્રોજેક્ટ્સ સુધી મર્યાદિત નથી. કંપનીના પોર્ટફોલિયોમાં ભારતના છત્તીસગઢમાં નિકલ, કોપર અને PGE સાથે જોડાયેલી એસેટ્સ ઉપરાંત સ્પેન અને મોઝામ્બિકમાં અન્ય critical mineral projects પણ સામેલ છે. કંપની પોતાને BSE પર લિસ્ટેડ gold અને critical minerals exploration company તરીકે રજૂ કરે છે.