વિદેશ ભણવાનું સપનું, કમાણી પર નજર
અમેરિકામાં અભ્યાસ કરવા ઈચ્છતા વિદ્યાર્થીઓ માટે Forbesની નવી યાદી મહત્વપૂર્ણ બની શકે છે. Forbesએ 2027ની પોતાની કોલેજ રેન્કિંગના ભાગરૂપે એવી 25 અમેરિકન કોલેજો અને યુનિવર્સિટીઓની યાદી જાહેર કરી છે, જ્યાં વિદ્યાર્થીઓને શિક્ષણ પાછળ કરેલા ખર્ચની સરખામણીમાં મજબૂત નાણાકીય વળતર મળતું હોવાનું રેન્કિંગ દર્શાવે છે. યાદીમાં Princeton University પ્રથમ ક્રમે છે.
Princeton સૌથી આગળ
Forbesની યાદીમાં Princeton University ટોચ પર છે. અહીં દર્શાવેલી ટ્યુશન અને ફી $62,688 છે, જ્યારે ડિગ્રી પૂર્ણ કર્યા બાદ 10 વર્ષ પછીની median base salary $121,773 દર્શાવવામાં આવી છે. Stanford, Caltech, Rice, MIT અને Harvard જેવી પ્રતિષ્ઠિત સંસ્થાઓ પણ ટોપ 25માં સામેલ છે.
CUNYની 7 કોલેજો Top 10માં
આ યાદીની સૌથી રસપ્રદ બાબત એ છે કે CUNY સિસ્ટમની 7 કોલેજો ટોપ 10માં છે. Hunter College બીજા, Brooklyn College ત્રીજા, Queens College ચોથા, Lehman College પાંચમા અને Baruch College છઠ્ઠા ક્રમે છે. Forbes અનુસાર ઓછો ખર્ચ અને સારા ગ્રેજ્યુએટ કમાણીના પરિણામો આ કોલેજોને ROIના મામલે મજબૂત બનાવે છે.
MITમાં 10 વર્ષ બાદ $1.31 લાખ
Massachusetts Institute of Technology એટલે કે MIT 12મા ક્રમે છે. તેની દર્શાવાયેલી ટ્યુશન અને ફી $62,396 છે અને 10 વર્ષ બાદ median base salary $131,182 છે. Harvard 13મા ક્રમે છે, જ્યારે Columbia University 18મા અને Johns Hopkins University 25મા ક્રમે છે.
માત્ર ફી નહીં, ROI પણ મહત્વનું
Forbesએ આ યાદી તૈયાર કરતી વખતે માત્ર યુનિવર્સિટીની ફી જોઈ નથી. ડિગ્રીનો વાસ્તવિક ખર્ચ, ગ્રેજ્યુએટની કમાણી, વિદ્યાર્થી લોન અને લોન લેનારા વિદ્યાર્થીઓનું પ્રમાણ જેવા પરિબળોને પણ ધ્યાનમાં લેવામાં આવ્યું છે. Forbesના જણાવ્યા પ્રમાણે ROI માટે Third Wayના price-to-earnings premium અને debt-to-percent-borrowed indexનો પણ ઉપયોગ થયો છે.
નોંધ: ઉપરની સેલરી Forbes દ્વારા દર્શાવાયેલી 10 વર્ષ પછીની median base salary છે; તેને શરૂઆતના પગાર અથવા ગેરંટીવાળા “પેકેજ” તરીકે ન સમજવું. Forbesનો ડેટા 2024-25ના ઉપલબ્ધ IPEDS ડેટા પર આધારિત છે.