ફોન ધીમો ચાર્જ થાય છે? કારણ કેબલ પણ હોઈ શકે
ઘણા લોકો માને છે કે ફોન ધીમો ચાર્જ થવાનું કારણ માત્ર ચાર્જર હોય છે. પરંતુ હકીકતમાં ચાર્જિંગ કેબલની ગુણવત્તા પણ એટલી જ મહત્વની છે. ખરાબ અથવા ઓછી ક્ષમતાવાળો કેબલ ચાર્જિંગ સ્પીડ ઘટાડે છે અને ડેટા ટ્રાન્સફરને પણ અસર કરી શકે છે.
કેબલ ખરીદતા પહેલાં Watt Rating જરૂર જુઓ
આજકાલ USB-C કેબલ પર 60W, 100W અથવા 240W જેવી રેટિંગ લખેલી હોય છે. આ તેની મહત્તમ પાવર ક્ષમતા દર્શાવે છે. સામાન્ય સ્માર્ટફોન માટે સારી ગુણવત્તાની 60W USB-C કેબલ પૂરતી હોય છે. જો તમારો ફોન 80W, 100W અથવા તેથી વધુ ફાસ્ટ ચાર્જિંગ સપોર્ટ કરે છે, અથવા તમે લેપટોપ અને ટેબલેટ પણ ચાર્જ કરો છો, તો 100W USB-C કેબલ વધુ યોગ્ય રહેશે.
લાંબો કેબલ હંમેશા શ્રેષ્ઠ નથી
2 અથવા 3 મીટર લાંબા કેબલ વાપરવામાં અનુકૂળ લાગે છે, પરંતુ ઓછી ગુણવત્તાવાળા લાંબા કેબલમાં વોલ્ટેજ ડ્રોપ થઈ શકે છે, જેના કારણે ચાર્જિંગ ધીમું પડી શકે છે. સારી બ્રાન્ડનો પ્રમાણભૂત લંબાઈનો કેબલ વધુ વિશ્વસનીય રહે છે.
કેબલ ખરાબ થયો છે કે નહીં, કેવી રીતે ઓળખશો?
જો પહેલા તમારો ફોન 30-40 મિનિટમાં ચાર્જ થઈ જતો હતો અને હવે એ જ ચાર્જર સાથે વધુ સમય લે છે, તો પહેલા બીજો સારો કેબલ લગાવીને તપાસો. જો નવા કેબલથી સ્પીડ વધી જાય, તો સમસ્યા જૂના કેબલમાં હતી.